Yardımlı Rayon İcra Hakimiyyətinin (RİH) başçısı Ayaz Əsgərov Çanaqbulaq kəndində növbəti səyyar qəbul keçirib.
Cenublu.az Yardımlı RİH-nə istinadən xəbər verir ki, tədbir kənd tam orta məktəbinin həyətində açıq havada baş tutub. Toplantıda rayon rəhbəri, müavinlər, şöbə müdirləri, idarə və müəssisə rəhbərləri iştirak ediblər.
Ayaz Əsgərov ölkədə sosial-iqtisadi tədbirlərdən, rayonda görülən işlərdən və qarşıda duran vəzifələrdən danışıb. Sakinlərin müraciətləri araşdırılıb, bəzi məsələlər yerindəcə həll olunub, digərləri isə icraata götürülüb. Qaldırılan məsələlər arasında mavi yanacaq təminatı, artezian quyusunun qazılması və qəzalı elektrik dirəklərinin dəyişdirilməsi olub.
