Fövqəladə Hallar Nazirliyinin (FHN) Dövlət Yanğından Mühafizə Xidmətinin təşkilatçılığı ilə Biləsuvar Rayon Yanğından Mühafizə Hissəsində “açıq qapı“ günü tədbirləri keçirilib.
Cenublu.az FHN-nə istinadən xəbər verir ki, tədbirdə rayonun ərazisində fəaliyyət göstərən orta məktəb şagirdləri, uşaq bağçalarının azyaşlıları, həmçinin müəllim və tərbiyəçilər iştirak ediblər.
İştirakçılara yanğınsöndürənlərin gündəlik rejim qaydası və hissələrin fəaliyyəti haqqında ətraflı məlumat verilib, onlara ilkin yanğınsöndürmə vasitələrindən istifadə qaydaları və əməkdaşların ənənəvi məşqlərinin bir hissəsi əyani şəkildə nümayiş etdirilib. Həmçinin uşaqlar fövqəladə hallar zamanı istifadə olunan zəruri yanğınsöndürmə və digər qəza-xilasetmə texnika və avadanlıqları ilə yaxından tanış olublar.
