“Xəzəri qoruyaq-2024” layihəsi çərçivəsində Xəzər dənizinin Lənkəran və Astara sahillərində təmizlik aksiyaları keçirilib.
Cenublu.az Ekologiya və Təbii Sərvətlər Nazirliyinə istinadən xəbər verir ki, aksiyaya nazirliyin yerli qurumları, “EcoHub” ictimai birliyinin nümayəndələri və "Yaşıl Asan" könüllüləri qoşulublar. 200 nəfərdən artıq iştirakçının iştirak etdiyi aksiya çərçivəsində 880 kiloqram tullantı yığılaraq ərazilərdən daşınıb.
Aksiyalar növbəti günlərdə də Xəzərin sahil ərazilərində davam edəcək.
