Bu gün Vətən müharibəsi şəhidimiz Saleh Ağayevin ad günüdür.
Saleh Nurəddin oğlu Ağayev 1992-ci il aprelin 30-da Biləsuvar rayonunun Günəşli kəndində anadan olub.
Azərbaycan Ordusunun kiçik giziri olan Saleh Vətən müharibəsi zamanı Füzulinin, Xocavəndin və Cəbrayılın azadlığı uğrunda gedən döyüşlərdə savaşıb.
O, 2020-ci il oktyabrın 12-də Cəbrayıl döyüşləri zamanı şəhid olub.
Ölümündən sonra "Vətən uğrunda", "Cəbrayılın azad olunmasına görə", "Hərbi xidmətlərə görə", "Füzulinin azad olunmasına görə", "Xocavəndin azad olunmasına görə" medalları və "Azərbaycan Bayrağı" ordeni ilə təltif edilib.
