Bu gün Vətən uğrunda canından keçən şəhid Şamil Mirzəyevin anadan olduğu gündür.
Şamil Afiq oğlu Mirzəyev 1996-cı il martın 2-də Yardımlı şəhərində dünyaya göz açıb.
O, Cəbrayılın, Füzulinin, Xocavəndin və Şuşanın azadlığı uğrunda gedən döyüşlərdə savaşıb. Şamil Mirzəyev noyabrın 10-da Şuşa istiqamətində döyüş tapşırığının yerinə yetirilməsi zamanı şəhid olub. Yardımlı şəhərində dəfn olunub.
Ölümündən sonra "Vətən uğrunda", "Cəsur döyüşçü", "Cəbrayılın azad olunmasına görə", "Füzulinin azad olunmasına görə" və "Şuşanın azad olunmasına görə" medalları ilə təltif edilib.
Allah rəhmət etsin!
