Tütün məmulatlarının ətraf mühitə atılmasına görə cərimələrin məbləği qalxır.
APA-nın verdiyi məlumata əsasən, bu, İnzibati Xətalar Məcəlləsinə təklif olunan dəyişiklikdə əks olunub. Tütün məmulatları tullantılarının ətraf mühitə atılmasına görə cərimənin məbləği 50 manatdan 300 manata qədər artırılır.
Həmçinin nəzərdə tutulmuş xətanın inzibati tənbeh almış şəxs tərəfindən qərar qüvvəyə mindiyi gündən bir il ərzində təkrar törədilməsinə görə 700 manat məbləğində cərimə edilir, yaxud işin hallarına görə, xətanı törədənin şəxsiyyəti nəzərə alınmaqla, 60 saatdan 100 saatadək ictimai işlər tətbiq olunur.
