Türkiyə Respublikasının Ege Universitetinin professoru Aziz Eftekhari Lənkəran Dövlət Universitetində (LDU) olub. Bu haqda məlumatı Cenublu.az bu gün, 19 iyul tarixində verir.
LDU-nun rektoru prof. Natiq İbrahimov hörmətli qonağı qəbul edib. Söhbət zamanı birgə elmi-tədqiqat əlaqələri və elmi nəşrlər, elmi layihələrin icrası, konfrans, seminar və simpoziumların keçirilməsi, yeni elmi-tədqiqat laboratoriyalarının qurulması və s. barədə fikir mübadiləsi edilib, müzakirə aparılıb. Görüş zamanı xatirə hədiyyələri təqdim edilib, xatirə fotoları çəkilib.
Görüşdən sonra türkiyəli qonaq LDU-nun elmi-tədqiqat laboratoriyaları ilə
tanış olub, Meyvəçilik və Çayçılıq Elmi-Tədqiqat İnstitutunun Lənkəran Çay filialı və Lənkəran "MMC" Çay fabrikinə baş çəkib, iş prosesini izləyib.
Qeyd edək ki, Bakı Dövlət Universitetinin kafedra müdiri prof. Rövşən Xəlilov türkiyəli qonağı Lənkərana səfərində müşayiət edib.
