“Türk dünyası gənc yazarlarının Lənkəran toplantısı” layihəsi təşkil olunacaq.
Cenublu.az xəbər verir ki, Gənclər və İdman Nazirliyi tərəfindən gənclər təşkilatlarının fəaliyyətlərinin dəstəklənməsi məqsədi ilə 2024-cü il üzrə elan edilmiş qrant müsabiqəsinin qaliblərindən olan bu layihə Dünya Gənc Türk Yazarlar Birliyinə məxsusdur.
Tədbirdə Azərbaycan və Türk dünyasının digər nöqtələrindən olan yeni nəsil yazarlar iştirak edəcək. 3 ay müddətində həyata keçirilən layihə çərçivəsində türk ölkə və topluluqlarından olan yeni nəsil yazarların yaradıcılıq nümunələri kitablaşdırılacaq.
Qeyd edək ki, bu il Azərbaycanın Lənkəran şəhəri Türk dünyasının gənclər paytaxtı elan olunub.
