05.07.2024 tarixində saat 04:54-də Lənkəran şəhər sakini, 1987-ci il təvəllüdlü Elnur Əsgərov (Elnur Valeh) dəqiqləşdirilməmiş koma, hemorragik insult diaqnozu ilə Lənkəran Rayon Mərkəzi Xəstəxanasının Təcili yardım şöbəsinə hospitalizasiya olunub. Bu haqda məlumat TƏBİB-dən verilib.
Bildirilib ki, xəstəyə zəruri ilkin tibbi xidmətlər göstərilib, instrumental müayinələr aparılıb, xəstənin vəziyyətinə uyğun olaraq, Reanimasiya şöbəsinə yerləşdirilib.
09.07.2024 tarixində gecə saatlarında yaxınlarının təkidi ilə E.Əsgərov Bakı şəhərində yerləşən özəl klinikalardan birinə təcili tibbi yardım avtomobili ilə təxliyə olunarkən yolda vəfat edib.
Qeyd edək ki, E.Əsgərov 16 il müddətində şəkərli diabet, xroniki böyrək çatışmazlığından əziyyət çəkib, dializ müalicəsi alıb.
