Ötən həftənin son iş günü TƏBİB-in 5 tenderi ləğv edilib.
Tribunainfo.az xəbər verir ki, bu tenderlərdən biri də Cəlilabad Mərkəzi Xəstəxanasına aid olub.
Belə ki, TƏBİB Cəlilabad Mərkəzi Xəstəxanası üçün müxtəlif növ avadanlıqların təmiri xidmətini satın almaq istədiyi halda, sorğuda Beyləqan Mərkəzi Xəstəxanasının adını qeyd edib. Anti-İnhisar və İstehlak Bazarına Nəzarət Xidməti isə bunu texniki səhv kimi qəbul etməyərək nəticələrin ləğvinə qərar verib.
Xatırladaq ki, son bir ayda TƏBİB-in yüzə yaxın tenderi qanun pozuntuları səbəbindən ləğv edilib.
