Xəzər dənizinin Lənkəran sahilində “Təmiz ölkəm” aksiyası çərçivəsində iməcilik keçirilib. Bu haqda məlumatı Cenublu.az bu gün, 8 iyul tarixində verir.
Ekologiya və Təbii Sərvətlər, Gənclər və İdman nazirliklərinin yerli qurumları əməkdaşlarının, yerli icra hakimiyyəti orqanlarının, bələdiyyələrin, yerli kommunal müəssisələr kombinatları nümayəndələrinin, sakinlərin və könüllülərin iştirakı ilə keçirilən iməciliklər zamanı tullantılar yığılaraq ərazildən daşınıb.
Qeyd edək ki, ümumrespublika təmizlik aksiyaları hər həftə bütün ölkə ərazisində keçirilir və bu aksiyaların keçirilməsində məqsəd hər kəsi istirahət edərkən tullantıları ətrafa atmamağa, təmizliyə riayət etməyə təşviq etmək, ictimaiyyətin diqqətini bu sahəyə çəkməklə ətraf mühitin qorunmasına nail olmaqdır.
