Lənkəran Şəhər İcra Hakimiyyətinin (ŞİH) başçısı Taleh Qaraşov Kosalar kənd inzibati ərazi dairəsinin sakinləri ilə səyyar görüş-qəbul keçirib. Bu haqda məlumatı Cenublu.az bu gün, 11 iyul tarixində verir.
Səyyar qəbulda İcra Hakimiyyəti aparatının məsul şəxsləri, hüquq-mühafizə orqanlarının rəhbərləri, yerli idarə və müəssisələrin nümayəndələri də iştirak ediblər.
Taleh Qaraşov ötən səyyar görüşdə qaldırılan məsələlərin icra vəziyyəti barədə yerli sakinləri məlumatlandırıb. Daha sonra o, səyyar qəbulda qaldırılan yerli İcra Hakimiyyətinin səlahiyyətlərinə aid olan məsələlərin yerindəcə həlli istiqamətində göstərişlərini verib, İcra Hakimiyyətinin səlahiyyətlərinə aid olmayan məsələlərin həlli üçün aidiyyəti qurumlara rəsmi müraciətlərin edilməsi və nəticəsi barədə vətəndaşlara məlumat verilməsini səlahiyyətli şəxslərə tapşırıb.
