Ələt-Astara magistralının Cəlilabad rayonundan keçən hissəsində yol-nəqliyyat hadisəsi baş verib.
Qafqazinfo məlumat verir ki, Gülnar Abdullayevaya məxsus “Hyundai-Sonata” markalı avtomobil idarəetmədən çıxaraq yolayırıcı dəmir məhəccərə çırpılıb. Xanım sürücü hərəkətdə olarkən ötmə əməliyyatı aparan digər avtomobil tərəfindən vurulub.
Hadisə zamanı maşında onun 3 uşağı və qadın qohumu olub. Onlar yüngül xəsarətlər alıblar. Hadisə yerinə gələn təcili yardım bölməsi tərəfindən xəsarət alanlara ilkin yardım göstərilib.
Qəza vəziyyətini yaradan nəqliyyat vasitəsi hadisə yerindən uzaqlaşıb.
Qeyd edək ki, xanım sürücü Vətən müharibəsi şəhidi Rəşad Abdullayevin həyat yoldaşıdır.
Faktla bağlı araşdırma aparılır.
