Bu gün Azərbaycan Silahlı Qüvvələrinin əsgəri, Vətən müharibəsi şəhidi Qalib Əbdüləhəd oğlu Əkbərovun doğum günüdür.
Qalib Əkbərov 2002-ci ildə aprelin 6-sı Lənkəran rayonunun Kərgəlan kəndində anadan olub. 2008-2019-cu illərdə Lənkəran rayon Kərgəlan kənd tam orta məktəbində təhsil alıb.
Qalib Əkbərov 2020-ci ildən Azərbaycan Silahlı Qüvvələrinin sıralarında müddətli həqiqi hərbi xidmət qulluqçusu idi. Əvvəlcə Ağcabədi rayonunda, sonra Beyləqan rayonunda yerləşən “N” saylı hərbi hissələrdə xidmət edib.
Vətən müharibəsi zamanı Füzulinin azadlığı uğrunda gedən döyüşlərdə savaşıb. O, sentyabrın 27-də Füzuli rayonu istiqamətində döyüş tapşırığının yerinə yetirilməsi zamanı şəhid olub. Lənkəran rayonunun Kərgəlan kəndində dəfn olunub.
Ölümündən sonra “Vətən uğrunda” və “Füzulinin azad olunmasına görə” medalları ilə təltif olunub.
