Astaradan olan Aprel döyüşləri şəhidi Pəncəli Teymurovun qardaşı Famil Azərbaycan Respublikasının Prezidenti İlham Əliyevə müraciət edib.
Cenublu.az Azərforum-a istinadən xəbər verir ki, Famil Teymurovun sözlərinə görə, ona məxsus 53 hektar torpaq sahəsi əlindən alınıb. Bildirilib ki, Astaranın Kakalos kənd sakinləri - Malik, Xalik və Tələt Məmmədovlar qardaşları saxta sənədlərlə məhkəmə yolu ilə onun Astaranın Çayoba kəndindəki torpaq sahəsini ələ keçiriblər.
“Mənim qardaşım şəhid Pəncəli Teymurov Azərbaycanın işğal altında olan torpaqlarını ermənilərdən almaq uğrunda gedən döyüşlər zamanı qəhrəmancasına həlak olub. Sizdən mənim əlimdən alınan torpağın geri qaytarılmasına kömək etməyinizi xahiş edirəm”,- deyə şəhidin qardaşı ölkə başçısına müraciət edib.
