QHT sədri Yasəmən Qəyyumlu Lənkərandan olan Həsənağa Abdullazadənin valideynlərinə baş çəkib. Bu haqda məlumatı Cenublu.az bu gün, 9 iyul tarixində verir.
Ziyarət zamanı Y. Qəyyumlu ailəyə dəstək göstərib və onlara xüsusi hədiyyələr təqdim edib.
Baş leytenant Həsənağa Şakir oğlu Abdullazadə 9 mart 1993-cü ildə Lənkəran şəhərində anadan olub.
2020-ci ildə başlayan Vətən müharibəsinə könüllü qoşulan Həsənağa Murovdağ zirvəsinin azad edilməsi uğrunda gedən döyüşlərdə iştirak edib. O, 3 oktyabr tarixində Kəlbəcər rayonu ərazisində gedən döyüşlərdə pusquya düşərək qəhrəmancasına şəhid olub.
Ölümündən sonra “Vətən uğrunda”, “Kəlbəcərin azad olunmasına görə” medalları və 3-cü dərəcəli “Rəşadət” ordeni ilə təltif edilib.
