Cəlilabaddan olan on iki yaşlı Cəmil Məmmədov Moskvada keçirilən XV Beynəlxalq “Bəyaz əsa” xeyriyyə festivalında uğurla çıxış edib.
Sputnik.az xəbər verir ki, Cəmil Sağlamlıq imkanları məhdud uşaqlar üçün 5 nömrəli Respublika xüsusi internat məktəbinin direktoru İradə Vəzirova və müəllimi Xoşqədəm Əhmədova ilə birlikdə Moskvaya gedib. Onlar tədbir boyu Cəmilə dəstək olublar.
Qeyd edilib ki, hər şey yüksək səviyyədə keçib və Cəmil Azərbaycanı festivalda layiqincə təmsil edib. Rusiyanın xalq artisti, festivalın ideoloji ilhamçısı Diana Qurskaya uşağın istedadına heyran qalıb və hətta ona müxtəlif hədiyyələr, o cümlədən üçlü nota açarı şəklində festival heykəlcikləri təqdim edib.
Festivalda Azərbaycan, Qazaxıstan, Belarus, Gürcüstan, Tacikistan, Ermənistan, Özbəkistan, Rusiya, Moldova, Türkmənistan və Qırğızıstandan olan görmə qüsurlu istedadlı uşaqlar iştirak ediblər.
"Bəyaz əsa" beynəlxalq xeyriyyə festivalı 2010-cu ildən keçirilir. Tədbir görmə məhdudiyyəti olan istedadlı uşaqları və şou-biznes ulduzlarını bir səhnədə birləşdirir.
