“Ecopreneurship: Dayanıqlı Gələcək üçün Region Gənclərinin Bacarıqlarının Artırılması” layihəsinə qoşulanlar ideyalarını inkişaf etdirmək və pul mükafatı qazanmaq şansı əldə edə bilərlər.
Cenublu.az Gənclərin İnkişaf və Karyera Mərkəzinin (GİKM) Lənkəran-Astara regional nümayəndəliyinə istinadən xəbər verir ki, layihənin əsas məqsədi region gənclərinin sahibkarlıq bacarıqlarını inkişaf etdirmələrinə imkan yaratmaq və onları müasir dayanıqlı inkişaf və sahibkarlıq trendləri ilə tanış etməkdir. Layihə “Bir Könüllü” Tələbə Təşkilatının təşkilatçılığı, Azərbaycan Respublikası Gənclər və İdman Nazirliyinin maliyyə dəstəyi, SABAH.HUB, İnnovasiya və Rəqəmsal İnkişaf Agentliyi və GİKM-nin tərəfdaşlığı ilə həyata keçiriləcək.
Ümumilikdə 3 mərhələdən ibarət olacaq layihənin ilkin mərhələsində iştirakçılar təlim
proqramına cəlb olunacaq, ikinci mərhələdə komandalara bölünmüş gənclər ehtiyaclarına uyğun
ənənəvi və onlayn mentorluq sessiyalarına qoşulacaq, sonuncu mərhələ isə iştirakçıların
ideyalarını təqdim edəcəkləri bağlanış mərasimi ilə yekunlaşacaq.
Qalib komandalara müxtəlif kiçik hədiyyələr veriləcəyi də bildirilib.
Layihə barədə ətraflı məlumat və qeydiyyat üçün aşağıdakı linkə keçid etmək olar:
https://forms.gle/CSZ7KLX5nG7YPTA76
[URIS id=67141]
