Azərbaycan Cüdo Federasiyasının prezidenti Rəşad Nəbiyev Masallıda yerləşən cüdo zalını ziyart edib.
Cenublu.az Azərbaycan Cüdo Federasiyasına istinadən xəbər verir ki, görüşdə Rayon İcra Hakimiyyətinin başçısı Araz Əhmədov, cüdo zalının məşqçi-müəllimləri və cüdoçular da iştirak ediblər.
Baxış zamanı ACF-in prezidenti Rəşad Nəbiyevə Masallıda təxminən 100 yeniyetmə və gəncin fəal şəkildə cüdo ilə məşğul olduğu barədə məlumat verilib. Federasiyanın prezidenti idmançılar üçün yaradılan şəraitlə tanış olub.
Cüdoçularla söhbət zamanı ACF-in keçirtdiyi “Qızlara ağ yaraşır”, “Söz verirəm” və “Doğru yol budur “ sosial kampaniyalar haqqında danışılıb. Federasiyanın prezidenti həm qızları, həm də oğlanları cüdo ilə məşğul olmağa və sağlam həyat tərzi sürməyə təşviq edib, idmançıları həm fiziki, həm də mənəvi sağlam qalmağa çağırıb.
Qeyd edək ki, Masallı cüdo zalı üçün tatamilər ACF tərəfindən təmin edilib.
