YAP Astara rayon təşkilatının qərargahında ilk dəfə səs verəcək gənc seçicilərlə görüşü keçirilib.
Cenublu.az xəbər verir ki, görüş 79 saylı Astara seçki dairəsindən deputatlığa namizədliyi irəli sürülmüş Rəşad Mahmudov tərəfindən baş tutub.
Deputatlığa namizəd Rəşad Mahmudov çıxışında qeyd edib ki, sentyabrın 1-də keçiriləcək növbədənkənar parlament seçkiləri xalqın Yeni Azərbaycan Partiyasına inamının növbəti ifadəsi, Ulu Öndər Heydər Əliyevin yoluna sədaqətinin və Prezident İlham Əliyevin Zəfər yürüşünün davamına birmənalı dəstəyinin təsdiqi olacaq.
Tədbir iştirakçılarından 1 sentyabrda seçki məntəqələrinə gedərək səsvermədə iştirak etməyə çağırıblar.
