Dini Qurumlarla İş üzrə Dövlət Komitəsinin sədri Ramin Məmmədov Masallı şəhərində vətəndaşları qəbul edib. Bu haqda məlumatı Cenublu.az bu gün, 24 iyul tarixində verir.
Qəbul zamanı Masallı, Cəlilabad və Yardımlı rayonlarından olan vətəndaşlar dini icmanın dövlət qeydiyyatına alınması, dini təhsil, İslam dininə aid ibadət yerlərinə din xadiminin təyinatı, dini icmaların kitablarla təmin edilməsi və digər məsələlərlə bağlı müraciət ediblər.
Dövlət Komitəsinin aidiyyəti struktur bölmə rəhbərlərinin iştirakı ilə keçirilmiş qəbulda vətəndaşların müraciət və təklifləri diqqətlə dinlənilib, ərizələri qəbul edilərək müvafiq tədbirlərin görülməsi ilə bağlı tapşırıqlar verilib.
