Sabah Ramazan ayının yeddinci günüdür.
Qafqaz Müsəlmanları İdarəsinin açıqladığı Ramazan təqviminə əsasən, martın 7-si üçün namaz vaxtları:
🌙Sübh azanı - 05:45
🌙Zöhr azanı - 12:52
🌙Əsr azanı - 16:54
🌙Məğrib azanı - 18:53
🌙İşa azanı - 19:54
Yeddinci günün imsak vaxtı üçün duasını təqdim edirik:
“Bismillahir-Rahmanir-Rahim. Allahummə əinni fihi əla siyamihi və qiyamih. Və cənnibni fihi min həfəvatihi və asamih. Vərzuqni fihi zikrəkə bidəvaih. Bitəvfiqikə ya hadiyəl-muzillin”.
Tərcüməsi:
“Mərhəmətli, Rəhmli Allahın adı ilə! İlahi, mənə bu gün oruc tutmaqda və gecə oyaq qalıb ibadət etməkdə kömək ol. Bu gün məni səhv və nöqsanlardan uzaqlaşdır. Sənin daimi zikrini mənə qismət et. Kömək və yardımına and verirəm, ey yolunu azmışların hidayətçisi!”
İftar duası:
“Allahummə ləkə sumtu və əla rizqikə əftərtu və əleykə təvəkkəltu. Bismillahir-Rəhmanir-Rəhim. Ya vasiəl-məğfirəti iğfirli”.
Tərcüməsi:
“İlahi, səndən ötrü oruc tutdum, sənin verdiyin ruzi ilə iftar açdım və sənə təvəkkül etdim. Bağışlayan və mehriban Allahın adı ilə. Ey hüdudsuz bağışlama sahibi, mənim günahlarımı bağışla”.
“Sizdən kim o aya (ramazan ayına) şahid olarsa, o ayı oruc tutsun!”
(Bəqərə surəsi, 185-ci ayə)
Qeyd: Dərc edilən vaxtlar Bakı şəhərinə aiddir. Cənub bölgəsinin digər rayonlarında dəqiq namaz vaxtlarını bilmək üçün aşağıda qeyd edilən dəqiqələri yuxarıdakı namaz vaxtlarına əlavə etmək lazımdır:
Astara +4, Biləsuvar +5, Cəlilabad +6, Lənkəran +5, Lerik +7, Masallı +5, Yardımlı +8 dəqiqə.
Allah orucunuzu qəbul eləsin!
