UEFA Çempionlar Liqasının pley-off mərhələsinin "Dinamo" (Zaqreb, Xorvatiya) - "Qarabağ" matçı baş tutub.
Cenublu.az xəbər verir ki, "Maksimir" stadionunda keçirilən ilk oyunda hesabı ev sahibləri açıb.
29-cu dəqiqədə Marko Pyaça fərqlənib. Oyunun davamında 75-ci və 80-ci dəqiqələrdə Sandro Kulenoviç növbəti 2 qolun müəllifi olub.
Qeyd edək ki, cavab oyunu avqustun 28-i Tofiq Bəhramov adına Respublika stadionunda, saat 20:45-də baş tutacaq.
