Cəlilabad və Göyçayda keçirilən psixoloji qiymətləndirmə təlimləri müəllimlər tərəfindən böyük maraqla qəbul edilib.
Cenublu.az Psixologiya Elmi Tədqiqat İnstitutuna istinadən xəbər verir ki, Cəlilabad və Göyçay rayonlarında «Psixoloji qiymətləndirmə alətlərinin məktəb mühitində istifadəsi» mövzusunda keçirilən təlimlərin davamiyyətinin monitorinqi aparılıb. Elm və Təhsil Nazirliyi ilə Psixologiya Elmi-Tədqiqat İnstitutunun birgə təşkil etdiyi təlimlərdə müəllimlərin iştirak səviyyəsi yüksək olub.
Təlimlərin məqsədi müəllimlərin psixoloji qiymətləndirmə alətlərindən istifadə bacarıqlarını inkişaf etdirmək və peşəkar hazırlığını artırmaqdır. Təlimlərdə müəllimlərə şagirdlərdə rast gəlinən problemlər, diaqnostika üsulları və məktəbdə psixodiaqnostika işinin təşkilinə dair məlumatlar verilib.
Təlimlər əyani keçirilir və 30 akademik saatı əhatə edir.
