Bu gün astaralı leytenant Əli Rüstəm oğlu Babazadənin anım günüdür.
Əli Babazadə 1990 il iyulun 13-də Kələdəhnə kəndində anadan olub. O, 44 günlük müharibədə böyük qəhrəmanlıqlar göstərib. Antiterror tədbirləri zamanı isə qəhrəmancasına şəhid olub.
Sonuncu dəfə ailəsi ilə danışarkən şəhid "hər şey yaxşıdır, təki vətən sağ olsun, vətən üçün canımızdan, qanımızdan keçməliyik" söyləyib.
Ailəli idi. Bir qız, bir oğlan övladı var.
Əli Babazadə ölümündən sonra 3-cü dərəcəli "Vətənə xidmətə görə" ordeni ilə təltif edilib.
