Bu gün dünyanın bir çox ölkələrində olduğu kimi, Azərbaycanda da Novruz bayramı qeyd edilir.
Novruz yazın gəlişinin rəmzi olan qədim xalq bayramıdır, mənası “Yeni gün”dür. Novruz Şimal yarımkürəsində astronomik yazın başlandığı, gecə-gündüz bərabərliyi günündə (martın 20-si, 21-i və ya 22-də) keçirilir. Bir sıra xalqlar yaz fəslinin gəlməsini təbiətin canlanması ilə bağlayıb, bu münasibətlə şənliklər keçirib, onu yeni ilin başlanğıcı kimi bayram ediblər.
Azərbaycanda da bu bayram böyük təntənə ilə qeyd olunur. Bu münasibətlə bütün ölkə ərazisində bayram tədbirləri keçirilir.
Əziz izləyicilərimiz! Cenublu.az kollektivi sizi Novruz bayramı münasibətilə təbrik edir. Sizə və yaxınlarınıza xoşbəxtlik, səadət, əmin-amanlıq diləyirik! Ömrünüz bahar kimi təravətli olsun! Bayramınız mübarək!
