Rayonlara istirahətə gedən vətəndaşlar istirahət mərkəzlərində tibb məntəqələrinin olmamasından əziyyət çəkirlər.
Cenublu.az Azərforuma istinadən xəbər verir ki, turistlərin sözlərinə görə, istirahətə gələnlər səhhətlərində yaranan problemlərə görə rayon mərkəzinə getməkdə çətinlik çəkirlər.
“Arıya qarşı allergiyam var. Əgər allergiyam qalxsa, müraciət edə biləcəyim tibb məntəqəsi yoxdur. İstirahət mərkəzlərində həkim fəaliyyət göstərsə, daha yaxşı olar. Lerik dağlıq rayondur, burada insanlarda təzyiq probleminə daha çox rast gəlinir” , – deyə turistlər söyləyiblər.
İstirahət mərkəzinin rəhbəri Akif Əliyev qeyd edib ki, onlara əsasən təzyiq, şəkərli diabet və miqren xəstələri müraciət edirlər. Sağlamlığında problem yaranan şəxslərə yardım göstərilsə də, bəzi hallarda bu kifayət etmir. Hətta xəstəni yaxın kəndlərdəki tibb məntəqələrinə çatdırana qədər vəziyyəti pisləşir.
