Masallıda yol hərəkət qaydasını pozduğu üçün saxlanılan şəxsin narkotik vasitədən istifadə etdiyi məlum olub. Bu haqda məlumatı Cenublu.az bu gün, 31 iyul tarixində Bizim.media-ya istinadən verir.
Masallı şəhər sakini Vüsal Muradov idarə etdiyi "Mercedes" markalı avtomobillə yol hərəkət qaydasını pozduğu üçün Ələt-Astara yolunun 157-ci kilometrliyində saxlanılıb. Bu vaxt nəqliyyat vasitəsini idarə etmək hüququ olmayan sürücünün narkotik vasitədən istifadə etdiyi də müəyyən edilib.
Muradov barəsində inzibati qaydada protokol tərtib olunub. Məhkəmənin qərarı ilə o, 15 gün müddətinə inzibati qaydada həbs edilib.
