Gəmilərdən və avtomobillərdən tullantıların atılmasına görə cərimələr artırılır.
APA-nın verdiyi məlumata əsasən, bu, İnzibati Xətalar Məcəlləsinə təklif olunan dəyişiklikdə əksini tapıb.
Qüvvədə olan qanuna əsasən, gəmilərdən zibil və başqa predmetlər atmağa görə 30 manat məbləğində cərimə edilir. Layihəyə görə isə həmin məbləğ 300 manat olacaq.
Bundan başqa, hal-hazırda nəqliyyat vasitəsindən bayıra hər hansı əşya atılmasına görə 30 manat cərimə edilir. Yeni layihə ilə isə yollara və ya yol qurğularına tullantı və ya nəqliyyat vasitələrindən bayıra hər hansı əşya atılmasına görə fiziki şəxslər 200 manat, vəzifəli şəxslər 1 000 manat, hüquqi şəxslər isə 4 000 manat məbləğində cərimələnəcəklər.
