Milli Qəhrəman Mübariz İbrahimovun atası Ağakərim İbrahimov torpağa tapşırıldı.
APA xəbər verir ki, o, Biləsuvar rayonunun Əliabad kəndində torpağa tapşırılıb.
***
Milli Qəhrəman Mübariz İbrahimovun atası Ağakərimov İbrahimovun ölüm faktı təsdiqlənib.
Tibbi Ərazi Bölmələrini İdarəetmə Birliyindən (TƏBİB) Cenublu.az-ın sorğusuna cavab olaraq bildirib ki, 16.10.2024-cü il tarixində saat 09:00 radələrində Ağakərim İbrahimov ağır vəziyyətdə Biləsuvar Rayon Mərkəzi Xəstəxanasına təcili tibbi yardım vasitəsilə hospitalizasiya olunub:
"Ona dəqiqləşdirilməmiş hipotenziya, miokard infarktı, kardiogen şok diaqnozu təyin edilib. Dərhal bütün zəruri reanimasiyon tədbirlər həyata keçirilib.
Göstərilən bütün tibbi yardımlara və həkimlərin çoxsaylı səylərinə baxmayaraq, saat 11:35-də ölüm faktı qeydə alınıb".
Nəzrin Vahid
***
Milli Qəhrəman Mübariz İbrahimovun atası dünyasını dəyişdi.
Cenublu.az xəbər verir ki, Ağakərim İbrahimov bu gün infarkt keçirib və Biləsuvar Rayon Mərəzi Xəstəxanasına çatdırılıb. Həkimlərin bütün səylərinə baxmayaraq onun həyatını xilas etmək mümkün olmayıb.
Qeyd edək ki, A.İbrahimov bir neçə il bundan öncə açıq ürək əməliyyatı keçirmişdi.
