Elm və Təhsil Nazirliyi tərəfindən 5 oktyabr – Beynəlxalq Müəllimlər Günü münasibətilə təhsil işçiləri təltif edilib. Bu haqda məlumatı Cenublu.az bu gün, 6 oktyabr tarixində verir.
Belə ki, “Azərbaycan Respublikası qabaqcıl təhsil işçisi” döş nişanı ilə R.İbadov adına Lənkəran rayonu Cil kənd tam orta məktəbinin müəllimi Elşən Ağababa oğlu Xurşudov və Masallı rayonu Qəriblər kənd tam orta məktəbinin müəllimi Emil Allahverən oğlu Bayramov təltif olunublar.
Fəxri Fərmanla isə:
- Astara rayonu Deqədi kənd tam orta məktəbinin müəllimi Nemət Zahirağa oğlu Tarverdiyev;
- Astara rayonu Şağlazüzə kənd tam orta məktəbinin müəllimi Tamilla Əzizağa qızı Həsənova;
- Astara şəhər 5 nömrəli tam orta məktəbinin müəllimi Ramil Məhəmməd oğlu Rzayev;
- Astara rayonu M.Ə.Sabir adına şəhər 1 nömrəli tam orta məktəbinin müəllimi Babək Tarif oğlu Rzazadə;
- Cəlilabad rayonu Bəciravan kənd tam orta məktəbinin müəllimi Vüqar İlqar oğlu Hacızadə;
- Cəlilabad şəhər 8 nömrəli Texniki və humanitar təmayüllü məktəb-liseyinin müəllimləri Aytən Xanbala qızı Əliyeva və Rauf Balakişi oğlu Ağayev;
- A.Quliyev adına Lənkəran rayonu Hirkan qəsəbə tam orta məktəbinin müəllimi Turanə Rakif qızı Heydərli;
- Lənkəran rayonu Liman şəhər 2 nömrəli tam orta məktəbinin müəllimi Rəqsanə İxtiyar qızı Xasiyeva;
- E.Ağayev adına Masallı rayonu Hişkədərə kənd tam orta məktəbinin müəllimi Əlizamin Əlipaşa oğlu Məmmədəliyev təltif olunublar.
