Lənkəranda mübahisə qardaşların əlbəyaxa davasına çevrilib.
Hadisə rayonun Gərmətürk kəndində baş verib. Kənd sakini, 1977-ci il təvəllüdlü Eldar Məmmədov uzun müddət Qazaxıstanda bizneslə məşğul olub. O, 2013-cü ildə kənddə anasının şərəfinə "Əzizə" adlandırdığı şadlıq sarayı tikdirib və obyektə 2 milyon 744 min dollar xərcləyib.
Eldar qardaşı Telmanı restorana nəzarətçi təyin edib və ona aylıq 1 500 manat maaş verib. Ataları vəfat etdikdən sonra Eldar restorandan əldə olunan gəlirlə bağlı qardaşından hesabat istəyib. Məlum olub ki, Telman 2 milyon 600 min manat gəlirdən Eldara cəmi 168 min manat verib, qalan vəsaiti isə şəxsi ehtiyaclarına xərclədiyini bildirib.
Bundan sonra obyektin qiymətləndirilməsi üçün ekspertiza təyin edilib. Araşdırma zamanı qardaşlar arasında dava düşüb və Eldar Telmanla digər qardaşı - Elmanı döyüb.
Faktla bağlı cinayət işi başlanaraq məhkəməyə göndərilib. Daha sonra işə xitam verilib.
Mənbə: oxu.аz
