Cəlilabad rayonunun Ağusəm kəndində həyətlərdən keçən elektrik xətlərinin vəziyyəti əhalinin narahatlığına səbəb olub.
Kənd sakini Sahib Quliyevin Cenublu.az -a verdiyi məlumata görə, bəzi naqillər qırılaraq yerə düşüb və bu vəziyyət, xüsusilə həyətlərdə yaşayan insanlar üçün təhlükə yaradır.
Vətəndaş iddia edir ki, mövcud vəziyyət hər an bədbəxt hadisəyə səbəb ola bilər. O, problemlə bağlı dəfələrlə aidiyyəti qurumlara müraciət etdiyini, lakin indiyədək məsələnin həll olunmadığını bildirir.
Sahib Quliyev aidiyyəti qurumlardan təhlükəli elektrik xətlərinin yenilənməsini və bədbəxt hadisə baş verməmiş problemin aradan qaldırılmasını xahiş edir.
