Lənkəranda qardaşını bıçaqlayaraq öldürən 37 yaşlı şəxsin məhkəməsi başa çatıb.
Hadisə 2025-ci il oktyabrın 8-də Liman şəhərində baş verib. 37 yaşlı Cəlal Abdullayev sentyabrın 17-də həbsdən çıxan 22 yaşlı qardaşı Camalla evdə mübahisə edib. Mübahisəyə Camalın Cəlala həyətlərindəki ərzaq mağazasından nisyə siqareti tək-tək almasını irad tutması səbəb olub. Söhbət zamanı Camal qardaşına ağır söyüşlər söyüb.
Əsəbiləşən Cəlal mətbəxdən götürdüyü bıçaqla Camalın sol qabırğa nahiyəsinə bir zərbə vurub. Yaralanan Camal xəstəxanaya çatdırılıb və ertəsi gün vəfat edib.
Cəlal məhkəmədə qardaşını öldürmək niyyətinin olmadığını, yalnız bir zərbə vurduğunu deyib. Hadisədən sonra isə bıçağı da özü ilə götürərək polisə gedib və könüllü təslim olub.
Lənkəran Ağır Cinayətlər Məhkəməsinin hökmü ilə Cəlala 10 il həbs cəzası verilib.
Mənbə: demokrat.аz
