"Nərdivançı" sosial müəllim layihəsinin təşkilatçılığı, Lənkəran–Astara Regional Təhsil İdarəsinin dəstəyi ilə "STEAM layihə əsaslı dərs" mövzusunda təlim keçiriləcək. Bu haqda məlumatı Cenublu.az bu gün, 17 iyul tarixində verir.
Orta məktəb müəllimləri və məktəb rəhbərləri üçün nəzərdə tutulmuş təlimdə STEAM ilə tanışlıq, "Tinkercad" proqramı, 3D printerlə işləmək öyrədiləcək.
Təlim STEAM üzrə mütəxəssis, “Nərdivançı” layihəsinin koordinatoru Faiq Şıxəlizadə tərəfindən 22, 25, 27 iyul tarixlərində saat 21:00-da "Google Meet" proqramı ilə onlayn formatda keçiriləcək.
Təlimin sonunda uğurlu fəaliyyət göstərən iştirakçılar Lənkəran STEAM mərkəzinə praktik fəaliyyət üçün dəvət ediləcəklər, onlara müvafiq sertifikat təqdim olunacaq.
