Müəllimlərin işə qəbulu üzrə müsabiqənin müsahibə mərhələsinin nəticələri barədə məlumat namizədlərin şəxsi səhifələrinə göndərilib.
APA.az xəbəbr verir ki, bu barədə məlumat Təhsil İnstitutundan verilib.
14-22 avqustda keçirilən müsahibələrdə 4658 nəfər uğur qazanıb. Onlar 2 sentyabr saat 18:00-dək zəruri sənədləri (şəxsiyyəti təsdiq edən sənədin, ali və ya orta ixtisas təhsili haqqında sənəd və ona əlavənin surəti, əmək kitabçasının əsli (olduğu təqdirdə), 4 ədəd 3x4 formatında fotoşəkil, sağlamlıq haqqında arayış, kadrlar uçotunun şəxsi vərəqəsi, şəxsi səhifədə işə qəbulun nəticəsinə dair çıxarış) yerli təhsil idarəsinə təqdim etməlidirlə
Təsdiqlənmiş çıxarışlarla namizədlərin işə qəbulu rəsmiləşəcək. Sənədlər təqdim edildikdən sonra şəxsi səhifədə təsdiqi yoxlamaq tövsiyə olunur. Çıxarışını təsdiqləməyən və vakant yerdən imtina edənlərin növbəti turlarda iştirakı təmin olunmayacaq.
Müsahibə mərhələsində uğur qazanmayan namizədlər 27 avqust saat 18:00-dan apellyasiyaya müraciət edə bilərlər. Apellyasiya müraciətləri 28 avqust saat 18:00-dək qəbul olunur.
Müsahibələr onlayn keçiriləcək; namizədlər şəxsi səhifələrində müsahibə linkinin göndəriləcəyi elektron poçt ünvanını qeyd etməlidirlər. Poçt ünvanını düzgün göstərməyənlər apellyasiya müraciəti edə bilməyəcək.
Yaxın günlərdə onlayn apellyasiya müsahibələrinin tarixi və vakansiya seçimi barədə əlavə məlumat veriləcək.
