Bu gün Azərbaycan Respublikasının Milli Qəhrəmanı Bəhruz Mansurovun anadan olduğu gündür.
Bəhruz Mansurov 1975-ci il 13 mart tarixində Yardımlı rayonunun Telavar kəndində dünyaya gəlib. O, 1993-cü ildə Bakı Ali Birləşmiş Komandirlər Məktəbinin sərhəd qoşunları fakültəsinə daxil olub.
1995-ci il Mart hadisələri baş verərkən ordu sıralarında xidmət edən Bəhruz Mansurov şəhid olub.
Ölümündən sonra “Azərbaycan Milli Qəhrəmanı” adına layiq görülüb.
Yardımlı rayonunun Telavar kəndində dəfn edilib.
Dövlət Sərhəd Xidmətinin Göytəpə Sərhəd Dəstəsinin 16-cı zastavası, oxuduğu orta məktəb, Sumqayıt şəhəri 16-cı mikrorayonda yerləşən bulaq–abidə kompleksi onun adını daşıyır.
