Mənzil İnşaatı Dövlət Agentliyi (MİDA) Lənkəran şəhərlərindəki Yaşayış Komplekslərində mənzillərin satışa çıxarılmasını planlaşdırır. Bu barədə Report məlumat verir.
Güzəştli mənzillərin satışına dair elan prosesə ən azı 30 gün qalmış veriləcək. Vətəndaşlar bu barədə media vasitəsilə, Agentliyin internet səhifəsi və sosial şəbəkələrdəki hesabları vasitəsilə məlumatlandırılacaq. Bununla yanaşı, istifadəçilərin "Güzəştli mənzil" sistemindəki elektron kabinetlərinə bildirişlər yerləşdiriləcək, həmçinin elektron poçt və SMS vasitəsilə məlumat göndəriləcək.
Lənkəran Yaşayış Kompleksi Akademik Zərifə Əliyeva küçəsi, 303 ünvanında, 1,5 hektar ərazidə yerləşir. Kompleks 5 doqquzmərtəbəli binadan ibarətdir. Binalarda ümumilikdə 240 mənzil var. Onlardan 32-si studio tipli, 36-sı ikiotaqlı, 104-ü üçotaqlı, 68-i dördotaqlıdır.
Mənzillərin sahəsi isə belədir:
- Studio tipli mənzillər: 40.1 kv.m;
- İkiotaqlı mənzillər: 57.68 - 57.70 kv.m;
- Üçotaqlı mənzillər: 72.82 - 76.74 kv.m;
- Dördotaqlı mənzillər: 98.7 - 114.61 kv.m.
