Dövlət Məşğulluq Agentliyinin İdarə Heyətinin sədri Sadiq Əliyev Astarada vətəndaş qəbulu keçirəcək.
Cenublu.az xəbər verir ki, görüş sentyabrın 30-u saat 11:00-da Heydər Əliyev Mərkəzində baş tutacaq. Qəbulda Astara və Lənkəran rayon sakinlərinin işlə təmin olunma, özünüməşğulluq proqramından yararlanma, peşə hazırlığı kursları və qurumun fəaliyyətinə aid digər məsələlərlə bağlı müraciətləri cavablandırılacaq.
Vətəndaşların qəbulu əvvəlcədən tərtib edilmiş siyahı əsasında həyata keçiriləcək. Şəhid ailəsi üzvləri, müharibə əlilləri, eləcə də digər imtiyazlı şəxslər növbədənkənar qəbul ediləcəklər.
Qəbula yazılmaq üçün Astara və Lənkəran rayon sakinləri 23 sentyabr 2024-cü il saat 14:00-dək (055) 282-30-65 ; (02525) 4-83-04; (012) 596-43-05 telefon nömrələrinə zəng edə və ya [email protected] elektron poçt ünvanına məktub göndərə bilərlər.
