Masallıdan olan şair medala layiq görülüb.
Cenublu.az xəbər verir ki, iqtisadçı alim, şair Rəsmiyyə Sabir qızı Abdullayeva (Əşrəfova) Dünya Gənc Türk Yazarlar Birliyinin 25 illik yubiley medalı ilə mükafatlandırılıb. Bu barədə, o, öz feysbuk səhifəsində bildirib.
Qeyd edək ki, şair 5 oktyabr 1973-cü ildə Masallı rayonu, Ərkivan kəndi, Miyondi məhəlləsində anadan olub. 1990-cı ildə Ə.Bağırov adına Həsənəküçə kənd orta məktəbini bitirib. Memarlıq və İnşaat Universitetininin “Tikintinin iqtisadiyyatı və idarə edilməsi” ixtisasını bitirib. İqtisad üzrə fəlsəfə doktoru, dosentdir. Azərbaycan, rus, türk, ingilis, çin dillərində nəşr olunan 110 elmi əsərin müəllifidir. Elmi əsərləri Türkiyə, Amerika Birləşmiş Ştatları, Rusiya, Qazaxıstan, Belarus, Ukrayna, Macarıstan, BƏƏ və digər ölkələrdə çap olunub. 2006-cı ildə elm sahəsindəki nailiyyətlərinə görə Gənclər və İdman Nazirliyinin “İlin Gənc Alimi” mükafatına layiq görülüb. “Türkdilli Dövlətlərin İqtisadçıları İctimai Birliyi”nin sədridir.
