Masallı rayonundan Bakıya istirahətə gələn gənc lükun içinə düşərək xəsarət alıb. Hadisə bu gün günorta saatlarında Azərbaycan prospekti 57 A ünvanda baş verib.
Bakuplus.az xəbər verir ki, şəkilləri göndərən zərərçəkən bildirib ki, kanalizasiya quyusunun qapağı olsa da, qırıq olub. Daha sonra həmin lükun üstündən keçərkən içinə düşüb. Nəticədə müxtəlif bədən xəsarətləri alıb:
“Bakıya gəzməyə gəlmişdim, dedim mərkəzə çıxım. Dostumla gedərkən, birdə sanki yer yarılıb, altına düşdüm. Bu dəfə yaxşı qutardım, mənim yerimdə qadın uşaq və ya qoca ola bilərdi. Qolum, ayağım, bel və qarın hissəm sıyrılıb”.
Qeyd edək ki, zərərçəkənə ilkin tibbi yardım göstərilib.
