Masallıda lokal antiterror əməliyyatları zamanı şəhid olmuş qəhrəmanlar anılıb.
Cenublu.az Masallı Rayon İcra Hakimiyyətinə (RİH) istinadən xəbər verir ki, tədbirdə Masallı Rayon İcra Hakimiyyətinin Başçısı Araz Əhmədov, hüquq-mühafizə orqanlarının rəhbərləri, din xadimləri, şəhid ailələri və ictimaiyyət nümayəndələri iştirak ediblər.
2023-cü ilin 19-20 sentyabr tarixlərində aparılan lokal antiterror əməliyyatları zamanı Masallı rayonundan qəhrəmanlıq göstərərək həlak olmuş şəhidlərin siyahısı:
- Şəhid Məmmədov Ramil Habil oğlu 18.10.2004-cü il tarixdə Masallı rayonunun Allahyarlı kəndində anadan olub. 2022-ci ilin oktyabr ayında müddətli hərbi xidmətə çağırılıb. 22.09.2023-cü il tarixdə Allahyarlı kəndində dəfn olunub. Subay idi.
- Şəhid Mirzəyev Sənan Vüqar oğlu 29.12.2004-cü il tarixdə Masallı şəhərində anadan olub. 2023-cü ilin yanvar ayında müddətli hərbi xidmətə çağırılıb. 20.09.2023-cü il tarixdə Masallı şəhərində dəfn olunub. Subay idi.
- Şəhid Əhədov Eltac Əjdər oğlu 04.08.2004-cü ildə Masallı rayonunun Təzə Alvadı kəndində anadan olub. 2022-ci ilin oktyabr ayında müddətli həqəqi hərbi xidmətə çağırılıb. 25.09.2023-cü il tarixdə Təzə Alvadı kəndində dəfn olunub. Subay idi.
- Şəhid Abbasov Mehti Əmrah oğlu 04.07.2004-cü il tarixdə Masallı rayonunun Sığıncaq kəndində anadan olub. 2022-ci ilin iyul ayında müddətli hərbi xidmətə çağırılıb. 21.09.2023-cü il tarixdə Allahyarlı kəndində dəfn olunub. Subay idi.
- Şəhid Yusifli Şəmistan Şükran oğlu 16.011998-ci il tarixdə Masallı rayonunun Xırmandalı kəndində anadan olub. Şəhid Müdafiə Nazirliyinin Baş leytenantı olub. 20.09.2023-cü il tarixdə Xırmandalı kəndində dəfn edilib.Subay idi, 4 bacısı var.
- Şəhid Babayev Sahil Sarıbala oğlu 21.03.1992-ci il tarixdə Masallı rayonunun Ərəb kəndində anadan olub. 2014-cü il tarixdən Daxili Qoşunlarında MAXE kimi fəaliyyət göstərib. 21.09.2023-cü il tarixdə Ərəb kəndində dəfn edilib. Ailəli idi, 2 oğlan, 1 qız övladı var (böyük oğlunun 9 yaşı, kiçik oğlunun 6 yaşı qızının isə 4 yaşı var).
- Şəhid Həmidli Mikayıl Vüqar oğlu 28.12.1998-ci ildə anadan olub. Şəhid Müdafiə Nazirliyinin leytenantı olub. 20.09.2023-cü il tarixdə II Fəxri xiyabanda dəfn edilib.
- Şəhid İsayev İsmayıl Çərkəz oğlu 24.04.2000-ci ildə Masallı rayonunun Sığdaş kəndində anadan olub. Şəhid Müdafiə Nazirliyinin leytenantı olub. 20.09.2023-cü il tarixdə II Fəxri xiyabanda dəfn edilib.
