Masallıda qəzalı evdə yaşayan şəhid anasına dəstək göstərilib. Bu barədə sosial şəbəkədə (Masallı Xəbərləri MİP) məlumat verilib.
1-ci Qarabağ müharibəsi şəhidi Ərzuman İsmayılovun anası qəzalı evlərinin bərpası üçün Masallı Rayon İcra Hakimiyyətinə müraciət edib. Bu əsasda icra başçısı Araz Əhmədovun daxili imkanları hesabına ümumi sahəsi 72 kv.metr, bir mərtəbədən ibarət fərdi yaşayış evinin tikintisinə start verilib.
Şəhidin anası Gülsüm Xəmmədova onlara göstərilən yüksək diqqət və qayğıya görə öz təşəkkürünü bildirib.
Qeyd edək ki, Masallı rayon Yeyənkənd kənd tam orta məktəbi şəhid İsmayılov Ərzuman Əlizamin oğlunun adını daşıyır və Yeyənkənd ərazisinin Abasbəyli kəndində mərkəzi küçələrdən biri şəhidin adına verilib.
