Yeyənkənd kəndində şəhid ailəsi üçün fərdi yaşayış evinin tikintisinə start verilib.
Cenublu.az Masallı Rayon İcra Hakimiyyətinə istinadən xəbər verir ki, Birinci Qarabağ Müharibəsi şəhidi Ərzuman Əlizamin oğlu İsmayılovun ailəsi üçün ümumi sahəsi 72 kv.metr ölçüdə 1 mərtəbədən ibarət fərdi yaşayış evi inşa edilir.
Artıq evin təməli qazılaraq beton tökülüb və təməl bərkitmə işləri aparılıb. İşlər Masallı RİH başçısının təşəbbüsü və təşkilatçılığı ilə həyata keçirilir. Bu münasibətlə Masallı RİH-inin başçısı Araz Əhmədov evin tikintisi ilə bağlı tapşırıqlar verib.
Şəhid anası Gülsüm Xəmmədova onlara göstərilən diqqət və qayğıya, eyni zamanda evin tikintisindən ötrü minnətdarlığını bildirib.
Masallı rayon Yeyənkənd kənd tam orta məktəbi şəhid İsmayılov Ərzuman Əlizamin oğlunun adını daşıyır və Yeyənkənd ərazisinin Abasbəyli kəndində mərkəzi küçələrdən birinə şəhidin adı verilib.
