Masallı şəhərinin Şah İsmayıl Xətai küçəsindəki 98 saylı bina ətrafa təhlükə saçır. Bu haqda məlumatı Cenublu.az bu gün, 30 iyul tarixində BakuTV-yə istinadən verir.
İki blok və beş mərtəbədən ibarət olan binada 30 ailə yaşayır. Sakinlər bildirirlər ki, bina 1978-ci ildə tikilib və yataqxana tipli olub.
Sakinlərin sözlərinə görə, sonuncu zəlzələdən sonra bina, demək olar ki, yarıya bölünüb. Binanın bir daha zəlzələyə tab gətirməyəcəyini və tamamilə dağılacağını deyirlər.
Aidiyyəti qurumlar binanın qəzalı olması barədə rəy veriblər, yerində yenisinin inşası planlaşdırılır.
