Masallıda Tovuz döyüşlərinə həsr olunan “Qalib ordunun əfsanəvi general və əsgərləri” adlı tədbir keçirilib. Bu haqda məlumatı Cenublu.az bu gün, 15 iyul tarixində verir.
Heydər Əliyev mərkəzində keçirilən tədbirdə təşkilatçı müəssisələrin əməkdaşları və gənclər iştirak ediblər.
Tədbirdə Azərbaycan Ordusunun qəhrəmanlıq salnaməsinə qızıl hərflərlə yazılan hərbi əməliyyatlardan biri olan Tovuz döyüşlərinin başlaması, gedişi Ermənistan diversiyasının qarşısının alınması ilə başlayan iyul döyüşləri zamanı rəşadətli Ordumuzun düşmənə sarsıdıcı zərbə vuraraq onun mənfur niyyətinin qarşısını mərdliklə almasından danışılıb.
Daha sonra tədbir iştirakçıları Tovuz döyüşlərinin qəhrəman general-mayoru Polad Həşimova həsr edilən ”Poladın 7 anı” adlı sənədli filmə baxıblar.
Qeyd edək ki, tədbir Masallı Tarix -Diyarşünaslıq Muzeyi, Heydər Əliyev Mərkəzi və Gənclərin İnkişaf və Karyera Mərkəzinin Lənkəran–Astara Regional nümayəndəliyinin Masallı bölməsinin birgə təşkilatçılığı ilə baş tutub.
