Masallıda baş verən yol-nəqliyyat hadisəsi piyadanın ölümü ilə nəticələnib.
“Qafqazinfo”nun məlumatına görə, hadisə Ələt-Astara magistralında, Masallı rayonu ərazisində qeydə alınıb.
Astara istiqamətində hərəkətdə olan "Mercedes Vito" markalı minik avtomobili yolu keçmək istəyən piyada, Masallı rayonunun Sərçuvar kənd sakini 1980-cı il təvəllüdlü Məhərrəm Əlihüseyn oğlu Seyfiyevi vurub.
Sürücü, ağır xəsarət alan piyadanı avtomobili ilə Lənkəran rayon mərkəzi xəstəxanasının təcili yardım şöbəsinə çatdırıb. Buna baxmayaraq, piyada aldığı xəsarətlərdən dünyasını dəyişib.
Faktla bağlı araşdırma aparılır.
