Masallıda mülki müdafiyə ilə bağlı tədbir keçirilib.
Cenublu.az Fövqəladə Hallar Nazirliyinə istinadən xəbər verir ki, yığıncaq FHN-nin Cənub Regional Mərkəzi tərəfindən təşkil olunub. Tədbir “Fövqəladə hadisələr zamanı hərbiləşdirilməmiş ərazi mülki müdafiə dəstəsinin xəbərdarlıq toplanışı siqnalı üzrə fəaliyyəti” mövzusunda baş tutub.
Məşq zamanı hərbiləşdirilməmiş ərazi mülki müdafiə dəstəsinin fövqəladə hal barədə xəbərdar edilməsi, xəbərdarlıq toplanışı siqnalı ilə qaldırılması, toplanma məntəqəsinə yürüş, toplanış və idarəetmənin təşkili üzrə fəaliyyətləri yoxlanılıb, həmçinin funksional vəzifələrlə bağlı məruzələr dinlənilib.
Qeyd edək ki, tədbirə FHN-in müvafiq yerli qurumları, Masallı Rayon İcra Hakimiyyəti və Fövqəladə Hallar Komissiyasının məsul şəxsləri, mülki müdafiə qərargah rəisləri və hərbiləşdirilməmiş ərazi mülki müdafiə dəstəsinin şəxsi heyəti cəlb olunub.
