Masallı şəhər 1 nömrəli tam orta məktəbdə “Narkomaniyaya yox deyək!” mövzusunda tədbir təşkil olunub.
Cenublu.az Daxili İşlər Nazirliyinin Mətbuat Xidmətinə istinadən xəbər verir ki, görüş Masallı Rayon Polis Şöbəsinin (RPŞ) təşkilatçılığı ilə keçirilib. Burada çıxış edən Masallı RPŞ-nin rəisi, polis polkovniki Azay Ağayev ümumbəşəri bəla olan narkomaniyanın fəsadlarından, onun insan həyatında buraxdığı acı izlərdən konkret misallardan nümunə gətirməklə danışıb, bu bəladan qurtulmaq üçün hər kəsin üzərinə mənəvi məsuliyyət düşdüyünü bildirib.
Görüşdə həmçinin Polis Akademiyasına qəbul qaydaları, kursantların maddi, sosial təminatları, imtiyazları barədə ətraflı məlumat verilib.
