Masallı Rayon İcra Hakimiyyətinin başçısı Araz Əhmədov Təzəkənd kəndində vətəndaşları qəbul edib.
Cenublu.az Masallı RİH-nə istinadən xəbər verir ki, qəbulda Masallı RİHB aparatının İnformasiya təminatı və təhlil sektorunun müdiri Elvin Fəttayev rayon rəhbəri ilə ötən görüş zamanı vətəndaşların müraciətlərinin həlli vəziyyəti ilə bağlı məlumat verib. Daha sonra rayon rəhbəri qəbula gələn vətəndaşları narahat edən məsələlərlə bağlı müraciətlərini dinləyib, qəbulda qaldırılan məsələlərdən bir neçəsi dərhal yerində həll edib, digər məsələlərin həlli istiqamətində müvafiq qurumlara tapşırıqlar verib.
Araz Əhmədov səyyar-görüş qəbulunu yekunlaşdıraraq rayonda vətəndaş müraciətlərinin daim diqqətdə saxlanıldığını bildirib.
